'कुठे झोपणार?', पहिल्याच दिवशी सोनाली राऊतचा बिग बॉसच्या घरात राडा; सागर कारंडेने बिग बॉसलाच विचारला प्रश्न

मुंबई: बिग बॉस मराठी ६ चं पर्व अखेर प्रेक्षकांच्या भेटीला आलं आहे. गेले कित्येक दिवस या शोची प्रेक्षक आतुरतेने वाट पाहत होते त्याची दणक्यात सुरूवात झाली आहे. रितेश देशमुखच्या एनर्जेटिक परफॉर्मन्सने स्टेज दणाणून सोडलं. या सीझनमध्ये दिपाली सय्यद, सागर कारंडे आणि खानदेशचा किंग सचिन कुमावत यांची एन्ट्री झाली आहे. मात्र सर्वांचं लक्ष वेधलं ते सोनाली राऊतने. आल्या आल्या तिने रितेश देशमुखला तर शॉक केलंच, पण तिने घरातील या तीन सदस्यांनाही मोठा धक्का दिला. तिच्या येण्याने आता घराचं वातावरण तापणारच हे नक्की झालं आहे.