Mahindra आता मार्केटचा चेहराच बदलणार, लाँच केलं NU.IQ प्लॅटफॉर्म, परदेशी गाड्यांना थेट भिडणार!

भारतातील सर्वात मोठी कार उत्पादक कंपनी असलेल्या महिंद्रा अँड महिंद्रा कंपनीने आता पेट्रोल, डिझेल आणि ईव्ही सेगमेंटमध्ये एक पाऊल पुढे टाकलं आहे. ठरल्या प्रमाणे आज १५ ऑगस्ट रोजी महिंद्राने ३ कन्स्पेट एसयूव्ही लाँच केल्या आहे. विशेष म्हणजे, महिंद्राने सर्वात आधी ईव्ही कार भारतात आणली होती. आता महिंद्राने पेट्रोल, डिझेल किंवा ईव्ही कार असेल या सगळ्यांसाठी नवीन NU.IQ मॉड्यूलर प्लॅटफॉर्म लाँच केला आहे. आता यापुढे महिंद्रा भविष्यातील उत्पादनांना जागतिक C-सेगमेंट कारशी स्पर्धा करण्यासाठी या मॉड्यूलरचा वापर करणार आहे. महिंद्रा NU.IQ प्लॅटफॉर्मवर आधारित पहिले मॉडेल २०२७ मध्ये लाँच करणार आहे.