WPL : हरमनप्रीतचा घात झाला, MI ने कुऱ्हाडीवरच पाय मारला, मुंबई इंडियन्सच्या पराभवाच्या 3 व्हिलन

नवी मुंबई : महिला प्रीमियर लीगच्या पहिल्याच सामन्यात आरसीबीने मुंबई इंडियन्सविरुद्ध शेवटच्या बॉलवर रोमाचंक विजय मिळवला आहे. 19व्या ओव्हरपर्यंत हा सामना मुंबई इंडियन्सच्या हातात होता, पण मोक्याच्या क्षणी झालेल्या चुका मुंबई इंडियन्सला महागात पडल्या आहेत. शेवटच्या ओव्हरमध्ये आरसीबीला विजयासाठी 18 रनची गरज होती, नदिने डे क्लार्क आणि प्रेमा रावत यांनी हे आव्हान शेवटच्या बॉलवर पार केलं. डब्ल्यूपीएलच्या इतिहासात शेवटच्या ओव्हरमध्ये 18 रन पार करण्याची ही दुसरी वेळ आहे. याआधी यूपी वॉरियर्सनी 2023 साली गुजरातविरुद्ध शेवटच्या ओव्हरमध्ये 19 रन केले होते.