Tata, Mahindra विसरा, भारतात येतेय सर्वात स्वस्त EV कार, किंमत फक्त 4 लाख!

एमजी कंपनीच्या कॉमेट या इलेक्ट्रिक कारची लोकप्रियता वाढली आहे. या कारची रेंज 230 किलोमीटर्स असून, तिची बॅटरीशिवायची किंमत फक्त 4.99 लाख रुपये आहे. या कारने स्वतःची अशी ओळख निर्माण केली आहे. अलीकडेच एमजी मोटर इंडिया या कंपनीने बॅटरी सबस्क्रिप्शन प्रोग्राम सुरू केला आहे. त्याअंतर्गत कॉमेट ईव्ही फक्त 4.99 लाख रुपयांच्या प्रारंभिक किमतीत घरी घेऊन जाता येईल. प्रति किलोमीटर बॅटरी रेंटल वेगळं द्यावं लागेल. म्हणजेच गाडी जितके किलोमीटर्स चालवली जाईल, तेवढंच शुल्क द्यावं लागेल. ज्या व्यक्ती कारने दररोज 50 ते 100 किलोमीटर्सचा प्रवास करतात, त्यांच्यासाठी कॉमेट ही एक चांगली इलेक्ट्रिक कार आहे. ज्यांच्याकडे मोठ्या बजेटची समस्या आहे; मात्र कार ही गरज आहे आणि दैनंदिन खर्चाची फारशी चिंता नाही, अशा व्यक्तींसाठी हा प्रोग्राम चांगला आहे.

कॉमेट ईव्हीमध्ये 17.3 kWhची लिथियम आयन बॅटरी आहे. ती एकदा चार्ज केल्यानंतर गाडी 230 किलोमीटर्स अंतर जाऊ शकते. ही कार फुल चार्ज करण्यासाठी तब्बल सात तास लागतात. ही बाब मात्र निराशाजनक आहे. या कारमध्ये 10.25 इंच आकाराचा टचस्क्रीन देण्यात आला आहे. या कारची किंमत कमी आहे, आकारही लहान आहे; मात्र गाडीत चांगली जागा असून, पाच व्यक्ती यात सहज बसू शकतात.