EV कार घेताय सावधान! अपघातानंतर कारचं दार उघडलंच नाही, चालकाचा जळून कोळसा, घटनेचा VIDEO

सोशल मीडियावरील एक पोस्टमध्ये असा उल्लेख करण्यात आला आहे की, “चीनमधील एका ड्रायव्हरचा त्याच्या Xiaomi su7 इलेक्ट्रिक कारचा अपघात झाला. त्यात त्याचा मृत्यू झाला आहे. कारचा वीजपुरवठा खंडित झाल्यानंतर, दरवाजे बंद झाले आणि त्यामुळे त्याला बाहेर पडता आलं नाही. लोकांनाही त्याला बाहेर काढता आलं नाही". या घटनेनंतर शाओमीचे शेअर्स सुमारे ९% घसरले.

तर स्थानिक रहिवाशी झाओ किंग या रहिवाशाने द पेपरला दिलेल्या माहितीनुसार, चालक Xiaomi su7 कार भरधाव वेगात चालवत होता.  “मी जवळच्या इमारतीच्या वरच्या मजल्यावर होतो आणि पहाटे ३:१० च्या सुमारास ही घटना घडली. मी आणि माझा मित्र ताबडतोब घटनास्थळी पोहोचलो. सुरुवातीला, घटनास्थळी चार-पाच लोक होते जे त्या माणसाला वाचवत होते. त्यापैकी एकाकडे कोणतेही साधन नव्हते आणि त्याने त्याच्या हातांनी कारची खिडकी फोडली, संपूर्ण रक्तस्त्राव झाला. नंतर, आम्ही अग्निशमन दलाच्या गाडीची वाट पाहिली आणि कारची खिडकी कापण्यासाठी कटर वापरला आणि त्यानंतरच आम्ही त्या माणसाला वाचवू शकलो.”