WPL 2026 : मुंबईने बुलेट ट्रेनच्या वेगाने मॅच जिंकली, 32 बॉलमध्ये दिल्ली कॅपिटल्सचा खेळ खल्लास

वुमेन्स प्रिमियर लीगच्या पहिल्या सामन्यात हार पत्करल्यानंतर मुंबईने आज 50 धावांनी पराभव करत आपलं खातं उघडलं आहे.

खरं तर हा सामना मुंबईने बुलेट ट्रेनच्या वेगाने जिंकला आहे. कारण अवघ्या 32 बॉलमध्ये मुंबईने दिल्लीचा खेळखल्लास केला.

मुंबईने दिलेल्या 195 धावांच्या लक्ष्याचा पाठलाग करताना दिल्ली कॅपिटल्सची सुरूवात खूपच खराब झाली होती.कारण लीझे्ले ली 10 वर बाद झाली होती.

त्यानंतर दिल्ली 32 धावांवर असताना त्याचे झटपट तीन विकेट पडले. शेफाली वर्मा 8, लौरा व्होल्वार्ड 9 आणि कॅप्टन जेमीमा 1 धावांवर बाद झाली होती.

या तीनही विकेट खुप महत्वाच्या होत्या. आणि या विकेट 5.2 ओव्हरमध्ये 32 बॉलमध्ये पडल्या होत्या. त्यामुळे या ओव्हर दरम्यान मुंबईने मॅच जिंकली होती.

मुंबईने प्रथम फलंदाजी करताना 195 धावा केल्या होत्या. मुंबईकडून कॅप्टन हरमनप्रीत कौरने 74 तर नॅट सिव्हर ब्रंटने 70 धावांची खेळी केली होती.