22 लाखांच्या नोकरीत मन लागेना; दुसऱ्याच प्रयत्नात UPSC मिळवलं यश

आयएएस आणि आयपीएससारख्या जबाबदारीच्या पदावर नोकरी करणे, फार कठीण आहे. कारण, या अधिकाऱ्यांवर दिवस-रात्र अनेक जबाबदाऱ्या असतात. त्यांना कधी राजकीय दबावाचा सामना करावा लागतो तर जनतेच्या रोषाचा. त्यामुळे फार कमी तरुण यूपीएससी परीक्षा पास करून ही जबाबदारी अंगावर घेतात. बहुतांश तरुण, आयआयटीमध्ये प्रवेश आणि नंतर भरघोस पगाराची नोकरी मिळवण्याचं ध्येय समोर ठेवतात. पण, काही तरुण असेही असतात ज्यांना पैशांपेक्षा लोकांची सेवा महत्त्वाची वाटते. त्यांच्या मनात समाजासाठी काहीतरी कराण्याची जिद्द असते. अशाच प्रेरणादायी व्यक्तींमध्ये आएएस अधिकारी अंकिता पनवार यांचा समावेश होतो.