शेतकऱ्याचा पोरगा झाला सरकारी अधिकारी, तिसऱ्या प्रयत्नात मिळवलं यश, कसा होता हा प्रवास?

सागर : अत्यंत कठीण परिस्थितीमध्ये कुठलीही पार्श्वभूमी नसतानाही यश मिळवता येते, हे एका शेतकऱ्याचे मुलाने सिद्ध करुन दाखवले आहे. हा शेतकऱ्याचा मुलगा आता सरकारी अधिकारी झाला आहे. यशपाल स्वर्णकार असे या तरुणाचे नाव आहे. सब ऑर्डिनर अकाउंट सर्विस या पदावर त्याची निवड झाली आहे.

मध्यप्रदेश राज्य लोकसेवा आयोगाने 2021 मधील परिक्षेचा निकाल जाहीर झाला. यामध्ये लहान गावातील एका शेतकऱ्याच्या मुलाने यश मिळवले आहे. तिसऱ्या प्रयत्नात यशपाल स्वर्णकार या तरुणाने हे यश मिळवले. तो मध्यप्रदेशातील सागर जिल्ह्याचा खमकुआ गावातील रहिवासी आहे. यशपालची आई कृष्णा सोनी या गृहिणी आहेत. यशपाल हा दोन भाऊ आणि दोन बहिणींमध्ये सर्वात लहान आहे. 2021 मध्ये त्याने एमपीपीएससी परिक्षेची तयारी केली होती. 2019-20 या परिक्षेत त्याला यश मिळाले नाही. मात्र, 2021 मध्ये त्याला यश मिळाले.

इंदूरला गेल्यावर त्याने एका कोचिंगला ज्वाईन केले आणि तिथे तयारी सुरू केली. याठिकाणी त्याला एमपीपीएससीच्या तयारीबाबत मार्गदर्शन मिळाले. कोचिंगच्या शिक्षणानंतर त्याने सेल्फ नोट्स तयार करायला सुरुवात केल्या. जुन्या प्रश्नपत्रिका तपासल्या आणि अशाप्रकारे तयारी केली. आता त्याच्या यशानंतर सर्व कुटुंबात आनंदाचे वातावरण आहे. जर कोणी स्पर्धा परिक्षेची तयारी करत असेल तर तुमचे मन फक्त अभ्यासावर केंद्रित करा, तुम्हाला यश नक्कीच मिळेल, अशी सल्ला दिला.