अशी सरकारी नोकरी पुन्हा मिळणार नाही, पगार 70000, नो परिक्षा पोहोचला थेट मुलाखतीला!

ऑइल इंडिया कंपनीत केमिस्ट या पदांसाठी अर्ज करणाऱ्या उमेदवाराचं वय किमान 24 वर्षं आणि कमाल 40 वर्षं असावं. वयोमर्यादेबाबत कंपनीने अधिक माहिती त्यांच्या वेबसाइटवर दिली आहे.

केमिस्ट पदासाठी अर्ज करणाऱ्या उमेदवाराने कोणत्याही मान्यताप्राप्त विद्यापीठातून किंवा संस्थेतून रसायनशास्त्र (केमिस्ट्री) विषयात किमान दोन वर्षं कालावधीची पदव्युत्तर पदवी म्हणजे मास्टर डिग्री उत्तीर्ण केलेली असावी. तसंच उमेदवाराला औद्योगिक किंवा संस्था किंवा संशोधन प्रयोगशाळेत किमान एक वर्ष कामाचा अनुभव असावा. उमेदवारानं हा अनुभव त्याची मास्टर डिग्री पूर्ण झाल्यानंतर घेतलेला असावा.

ऑइल इंडिया कंपनीच्या भरती प्रक्रियेद्वारे केमिस्ट पदासाठी निवड झालेल्या उमेदवाराला प्रति महिना 70 हजार रुपये पगार दिला जाणार आहे.

ऑइल इंडिया भरती प्रक्रियेसाठी अर्ज करणाऱ्या सर्व उमेदवारांची निवड इंटरव्ह्यूच्या आधारे केली जाईल. अर्ज करण्याची मुदत संपल्यानंतर पात्र उमेदवारांना इंटरव्ह्यूसाठी ऑइल इंडिया लिमिटेड, सेंटर ऑफ एक्सलन्स फॉर एनर्जी स्टडीज, पाचवा मजला, एनआरएल सेंटर, 122ए ख्रिश्चन वस्ती, जी. एस. रोड, गुवाहाटी, आसाम इथे बोलावण्यात येणार आहे. इंटरव्ह्यूसाठी उमेदवारांनी प्रत्यक्ष हजर राहणं गरजेचं आहे. इंटरव्ह्यूद्वारे उमेदवारांची नोकरीसाठी अंतिम निवड करण्यात येणार आहे. या भरती प्रक्रियेच्या अधिक माहितीसाठी तुम्ही ऑइल इंडिया कंपनीची अधिकृत वेबसाइट oil-india.com यावर भेट देऊ शकता.