IIT आणि UPSC चा नाद सोडला अन् शायरीत बनवलं करिअर, आता कुशल करतोय लाखोंची कमाई

दिल्ली : तुम्हाला सर्वांना माहिती आहे की, सध्या सोशल मीडियाचा जमाना आहे. त्यातच आता ‘यहां तुम देखना रुतबा हमारा, हमारी रेत है दरिया हमारा, किसी से कल पिताजी कह रहे थे, मोहब्बत खा गई लड़का हमारा’ ही शायरी सध्या सोशल मीडियावर खूप व्हायरल होत आहे. या शायरीला लिहणाऱ्या आणि वाचणाऱ्याचे नाव कुशल दौनेरिया असे आहे. कुशल हा सध्या लाखो रुपयांची कमाई करतो. त्याचा प्रवास हा नक्कीच प्रेरणादायी आहे. पण नेमका कुशल कोण आहे, तो काय करतो, हे जाणून घेऊयात.

लोकल18 च्या टीमने सोशल मीडियावर प्रसिद्ध असलेल्या अशा कुशल दौनेरिया या तरुणाशी संवाद साधला. यावेळी लोकल18 शी बोलताना त्याने सांगितले की, लॉकडाऊनच्या सुरुवातीच्या काळात त्याने शायरी लिहायला सुरुवात केली. त्याने इतिहास या विषयात मास्टर्स पूर्ण केले आहे. त्याआधी त्याने आयआयटी आणि यूपीएससीची परीक्षा दिली होती. मात्र, तो या परीक्षेत नापास झाला होता. यानंतर त्याने लिहायला सुरुवात केली. आता तो पूर्णपणे शायरी लिहितो.

यासोबतच त्याने सांगितले की, काही महिन्यांपूर्वी एका मुशायराचे आयोजन करण्यात आले होते. या कार्यक्रमात भारतातील सर्वात मोठ्या शायरांनी सहभाग घेतला होता. यामध्ये अजहर इकबाल आणि शारिक कैफी यांसारख्या मोठ्या शायरांचा समावेश होता. या कार्यक्रमात त्यालाही सहभागी होण्याची संधी मिळाली होती, असे त्याने सांगितले.