रविराजची कमाल! 40 टक्के दृष्टिहीन तरी मिळवले बारावीच्या परीक्षेत 89 टक्के गुण, काय आहे यशाचा फॉर्म्युला?

रविराजने आपल्या यशाबद्दल माहिती देताना सांगितले की, मी जेव्हा अभ्यास करत होतो त्यावेळेस मला रात्रीच्या वेळी लाईटमुळे त्रास व्हायचा. म्हणून मी रात्री अभ्यास न करता दिवसा अभ्यास करत होतो. ज्यामुळे माझ्या डोळ्यांना कमी त्रास होईल याचा मी नेहमी प्रयत्न करत होतो. मी दर दोन तासाने अभ्यासातून एक ब्रेक घ्यायचो आणि त्यानंतर पुन्हा अभ्यास करायला सुरुवात करायचो कारण सतत पुस्तक वाचल्याने माझ्या डोळ्यांना त्रास व्हायचा. बऱ्याचदा क्लासमध्ये सर शिकवत असताना मला ब्लॅकबोर्ड वर कमी दिसायचं किंवा अंधुक दिसायचं. याप्रकारे क्लासमध्येही मला अडचणींचा सामना करावा लागला तरी अभ्यास करत राहिलो. यामध्ये आईने मला नेहमी मदत केली आहे.

दरम्यान, महाराष्ट्र राज्य माध्यमिक व उच्च माध्यमिक शिक्षण मंडळातर्फे घेण्यात आलेल्या बारावीच्या परीक्षेचा निकाल मंगळवारी जाहीर झाला. यावेळी कोकण विभाग 97.71 टक्के गुणांसह राज्यात अव्वल ठरला. नेहमीप्रमाणे यंदाही नागपूर विभागमागे राहिला. विभागाचा एकूण निकाल 92.12 टक्के लागला. जे गेल्या वर्षीच्या तुलनेत 1.77 अधिक आहे. गेल्या वर्षी एकूण 90.35 टक्के निकाल लागला होता.