मोठ्या पगाराच्या नोकरीची संधी! जर्मनीत 10 हजार जागा, राज्य सरकार देणार प्रशिक्षण

राज्यातून चार प्रकारच्या क्षेत्रातील तब्बल 10 हजार कुशल कामगारांचा पुरवठा केला जात आहे. याला केंद्र शासनाने सहमती दर्शविली आहे. शैक्षणिक संस्थाबाबत सखोल मार्गदर्शन, आवश्यक ते शैक्षणिक साहित्य, विद्यार्थी आसनव्यवस्था आदींची खात्री करून संबंधित महाविद्यालयांना प्रशिक्षणाकरिता हिरवा कंदील देण्यात येतं आहे. प्रत्येक प्रशिक्षण केंद्रात 50 प्रशिक्षणार्थींना त्यांच्या व्यवसाय व नोकरीस अनुसरून जर्मन भाषा अवगत करून दिली जाणार आहे. या प्रत्येक प्रशिक्षण केंद्राला दीड लाख रुपयांपर्यंतचे अर्थसाहाय महाविद्यालयाला दिले जाणार आहे.