आपल्या मुलांना द्या संगीत नाटकाचे धडे, कोल्हापुरातील देवल क्लब 140 वर्षांपासून घडवतोय कलाकार

देवल संगीत विद्यालय या ठिकाणी अखिल भारतीय गांधर्व महाविद्यालयाच्या पूर्ण अभ्यासक्रमानुसार प्रारंभिक ते विशारद पर्यंतच्या सर्व परीक्षांचा अभ्यास घेतला जातो. यामध्ये गायन, सतार, व्हायोलिन, हार्मोनियम, तबला, कथ्थकनृत्य, भरतनाट्यम, बासरी ह्या विषयांचे शिक्षण दिले जाते. गेली कित्येक दशके ही संगिताचे शिक्षण देण्यासाठी संस्था कार्यरत आहे. अनेक प्रथितयश शिक्षक या ठिकाणी शिकवण्यासाठी असतात.

जर कुणाला गायनाचे अधिकृत शिक्षण घ्यायचे असेल तर त्यांना त्याची आवड महत्वाची असते आणि प्रवेश फी बरोबर एक साधा प्रवेश फॉर्म भरून या ठिकाणी प्रवेश मिळवता येतो. याठिकाणी पहिल्या वर्षी 750 रुपये प्रति महिना, दुसऱ्या आणि तिसऱ्या वर्षी 850 रुपये प्रति महिना, चौथ्या पाचव्या वर्षाला 1,000 रुपये प्रति महिना आणि सहाव्या व सातव्या वर्षाला 1250 रुपये प्रति महिना अशी फी असते. गायनाचा सात वर्षांचा अभ्यासक्रम असतो. पण सात वर्षांत हळूहळू अभ्यासक्रम वाढत जात असल्याने तो सहसा इतक्या वेळेत पूर्ण होत नाही, असेही जाधव यांनी सांगितले.