JEE Advanced : 2 वर्षांपूर्वी सोडला सोशल मीडिया, दररोज 12 तास अभ्यास, आज गड्याचा देशात डंका

अभिज्ञान हा कोडरमा येथील रहिवासी आहे. त्याची आई स्मिता सिन्हा त्याला घेऊन बोकारो येथील ऑपरेटिव्ह कॉलनीत 2022 पासून राहत आहेत. त्याच्या या यशानंतर त्याने लोकल18 शी बोलताना सांगितले की, तो आपल्या या यशाने आनंदी आहे. त्याने यासाठी दररोज तब्बल 12 तास अभ्यास केला. तसेच 2 वर्षांपासून सोशल मीडियापासून अंतर ठेवले होते. कधीही कमी गुण मिळाले म्हणून निराश होऊ नये. तर स्वत:वर आत्मविश्वास ठेवून दुप्पट मेहनत करायला हवी. यामुळे नक्की यश मिळते. परिक्षेच्या वेळी शांतचित्ताने पेपर द्यावा, असा सल्लाही त्याने दिला.

अभिज्ञानने आपल्या यशाचे श्रेय त्याचे आई-वडील, आजी-आजोबा आणि शाळेतील शिक्षकांना दिले आहे. त्याचे वडील सुनील कुमार सिन्हा हे सीडी गर्ल्स हायस्कूलमध्ये इंग्रजी विषयाचे शिक्षक आहेत आणि आई स्मिता या सुद्धा आधी शिक्षिका होत्या. मात्र, आता त्या गृहिणी आहेत. आपल्या मुलाच्या कामगिरीवर खूप आनंदी आहेत. अभिज्ञानने संपूर्ण कुटुंबाचे स्वप्न पूर्ण केले आहे, अशा भावना त्याचे वडील सुनील कुमार यांनी व्यक्त केल्या.