Parag Agrawal : 'IIT मुंबई'च्या या विद्यार्थ्याला मिळालेलं 100 कोटींचं पॅकेज, पण एका वर्षात गेली नोकरी, कारण...

मुंबई 09 सप्टेंबर : आयआयटी अर्थात इंडियन इन्स्टिट्यूट ऑफ टेक्नॉलॉजी या भारतातल्या तंत्रशिक्षण देणाऱ्या सर्वांत उत्तम संस्था आहेत. या संस्थांतून शिकून बाहेर पडलेले विद्यार्थी म्हणजे आयआयटी ग्रॅज्युएट्सना जगाच्या नोकरीच्या बाजारात खूप मोठी किंमत असते. कोट्यवधी रुपयांची पॅकेजेस अशा विद्यार्थ्यांना मिळाल्याच्या बातम्या वाचनात किंवा चर्चेत येतात, सोशल मीडियावर शेअर होतात. मुंबई आयआयटीतून ग्रॅज्युएट होऊन बाहेर पडलेल्या एका विद्यार्थ्याचं नाव अचानक जगभर गाजलं होतं. त्याला मिळालेल्या वार्षिक पॅकेजचं मूल्य तब्बल 100 कोटी रुपयांहून अधिक होतं; मात्र दुर्दैवाने एका वर्षाच्या आतच विचित्र कारणामुळे पद गमावण्याची वेळ त्याच्यावर आली. त्या विद्यार्थ्याबद्दल जाणून घेऊ या. 'इंडिया टुडे'ने या संदर्भातलं वृत्त प्रसिद्ध केलं आहे.