Navi Mumbai Recruitment: नवी मुंबई महापालिकेत मेगाभरती, 15 जुलैपासून परीक्षा, संपूर्ण माहिती

नवी मुंबई महापालिकेतील विविध 368 पदांसाठी अर्ज मागवण्यात आले होते. त्यानुसार राज्यातील 84 हजार उमेदवारांनी ऑनलाईन अर्ज केले आहेत. आता 15 जलैपासून ऑनलाईन परीक्षा सुरू होत आहेत. 21 जुलैपर्यंत ही परीक्षा चालणार आहे. या काळात गैरप्रकार टाळण्यासाठी चोख बंदोबस्त ठेवण्यात येणार आहे.

दरम्यान, सरकारी नोकरीच्या शोधात असणाऱ्या पदवीधर आणि इयत्ता 12 वीपर्यंत शिक्षण घेणाऱ्या उमेदवारांसाठी सुवर्णसंधी असणार आहे. सरळसेवा भरती प्रक्रियेद्वारे गट क आणि गट ड संवर्गातील विविध पदे भरली जाणार आहेत. नवी मुंबई महानगरपालिका सरळसेवा पदभरती 2025 च्या अनुषंगाने काही विचारणा करावयाची झाल्यास सामान्य प्रशासन विभाग, 022 27567189 या हेल्पलाईन क्रमांकावर कार्यालयीन वेळेत संपर्क साधावा, असे आवाहन करण्यात आले आहे.