Annabhau Sathe Scholarship: 60 टक्क्यांपेक्षा जास्त गुण असतील तर लगेच करा अर्ज, या विद्यार्थ्यांना मिळणार शिष्यवृत्ती!

अमरावती: राज्य शासनाकडून विविध प्रवर्गातील विद्यार्थ्यांना शिक्षणात मदत मिळावी यासाठी नवनवीन शिष्यवृत्ती दिल्या जातात. त्यातीलच एक शिष्यवृत्ती मातंग समाजातील मुलांसाठी देखील आहे. साहित्यरत्न लोकशाहीर अण्णाभाऊ साठे विकास महामंडळातर्फे गुणवत्ताधारक गरजू विद्यार्थ्यांसाठी शिष्यवृत्ती योजना राबविण्यात येते. या योजनेसाठी पात्रता म्हणून दहावी, बारावी, पदवी, पदव्युत्तर, वैद्यकीय, अभियांत्रिकी अभ्यासक्रमात 60 टक्क्यांपेक्षा अधिक गुण मिळवलेले विद्यार्थी पात्र ठरतात. गरजू, होतकरू आणि आर्थिकदृष्ट्या कमकुवत असलेले विद्यार्थी या शिष्यवृत्तीचा लाभ घेऊ शकतात. याबाबत लोकल18 च्या माध्यमातून सविस्तर माहिती जाणून घेऊ.