4 चोर, 4 मिनिट आणि सगळ्यात सुरक्षित म्युजिअममध्ये कोट्यवींची चोरी, सिनेमापेक्षा कमी नाही रिअल लाईफ स्टोरी

मुंबई : पॅरिसच्या गजबजलेल्या सकाळी, लोकांनी अजून आपली कॉफी संपवली नव्हती आणि जगातील सर्वात प्रसिद्ध लूव्र म्युझियमच्या भिंतींआत काहीतरी असं घडत होतं, ज्यावर कुणालाही विश्वास बसणार नव्हता. सगळं नेहमीसारखं शांत आणि नियमानं सुरू होतं, पर्यटक फोटो काढत होते, सुरक्षा रक्षक आपापल्या जागेवर होते, आणि अपोलो गॅलरीत नेपोलियनच्या महागड्या दागिन्यांवर लाईट पडत होती. पण काही मिनिटांतच हा प्रकाश “चमक” नव्हे, “चोरी”चं संकेत बनला.