crime: तिने काहीच विचार केला नाही, 2 लेकरांसह संपवलं आयुष्य, पोरांचे मृतदेह पाहून बाप हादरला अन्

बिहार: बिहारमध्ये सामूहिक आत्महत्येचं प्रकरण उघडकीस आलं आहे. रोहतास जिल्ह्यात एका विवाहित महिलेने आपल्या दोन निरागस मुलांसह तलावात उडी घेऊन आत्महत्या केली. नौहट्टा पोलीस स्टेशन हद्दीतल्या धोबिनिया टिकर गावात ही घटना घडली. समोर आलेल्या माहितीनुसार, आशा देवी नावाच्या 28 वर्षांच्या महिलेने आपल्या सत्यम (वय 9 वर्षं) आणि आदित्य (वय 7 वर्षं) या दोन मुलांसह आत्महत्या केली. गुरुवारी (22 ऑगस्ट) सकाळी तिघांचेही मृतदेह गावाजवळच्या तलावात आढळले. आशा देवी धोबिनिया टिकर गावातले रहिवासी संजय चौहान यांची पत्नी होती. आपली पत्नी आणि मुलांचे मृतदेह पाहताच पती संजयनेही पाण्यात उडी मारली होती. गावकऱ्यांनी त्याचा जीव वाचवून सांत्वन केलं.