वेटरचा क्रूरपणा! लाकडी दांडक्याने तरुणाला संपवलं; गुन्हा कबूल करत म्हणतो, "विनाकारण मारलं"

यासंदर्भात ज्योतिरामचा भाऊ लक्ष्मण काशीद (रा. काशीद वस्ती, सारोळा) यांनी पोलिसांत फिर्याद दिली आहे. त्या फिर्यादीनुसार ज्योतीराम ही रविवारी सायंकाळी मोबाईलवर बोलत घराबाहेर पडला. पण नंतर तो घरी परतलाच नाही. सकाळी फोन लावला ज्योतीरामला फोन लावला, तर फोन उचलला नाही. त्यानंतर कळलं की, सकाळी साडेनऊ वाजता ज्योतीरामला हाॅटेलमध्ये वेटरने बेदम मारहाण केलेली आहे. त्यात तो गंभीर जखमी झालेला आहे. ही माहिती मिळाली आहे लक्ष्मण तातडीने घटनास्थळी पोहोचला.

घटनास्थळी रक्ताने बरबटलेली काठी दिसली. जामखेड पोलिसांनी आरोपीला ताब्यात घेतले आहे. त्याची चौकशी केली असता त्याने गुन्हा कबूल केला आहे. पोलीस चौकशीत त्याने सांगितले की, त्याने ज्योतीरामला विनाकारण मारहाण केली. त्यात त्याचा मृत्यू झाला. आरोपी दीपक सातपुते हा नाशिक जिल्ह्यातील मनमाड येथे राहतो.