दुसऱ्या वर्गातील शिक्षिकाही उपस्थित, सुरू होती सामूहिक कॉपी, तरुण लिहित होता फळ्यावर उत्तरे...

ही घटना मध्यप्रदेशातील नर्मदापूरम जिल्ह्यातील केसला तालुक्याच्या बिछुआ गावातील माध्यमिक शाळेत घडला. पाहणीसाठी आलेल्या बीआरसी केके शर्मा यांनी एका तरुणाला ग्रीन बोर्डवर लिहिलेल्या उत्तरांना पुसताना पाहिले. या तरुणाने पथकाला पाहताच फलकावर लिहिलेली उत्तरे पुसून वर्गातून पळ काढला.

बीआरसी शर्मा यांनी सांगितले की, 12 मार्चला आठवीचा विज्ञानाचा पेपर होता. सकाळी 09:40 वाजता जिल्ह्यातील केसला तालुक्यातील बिछुआ परीक्षा केंद्रात पथक निरीक्षण करण्यासाठी पोहोचले. तिथे पोहोचल्यावर शाळेतील 4 नंबरच्या खोलीत एक संशयित तरुण टॉवेलने ग्रीन बोर्डवरील उत्तरे खोडताना दिसला. त्याच्याशी संवाद साधायला गेलो असता त्याने तिथून पळ काढला. याचवेळी त्याठिकाणी शिक्षिका ज्योती पटेलही उपस्थित होत्या. मात्र, त्यांची ड्युटी ही 8 नंबरच्या खोलीत होती. या सर्व प्रकारानंतर केंद्रप्रमुख अनिल दुबे आणि शिक्षिका ज्योति पटेल यांना कारणे दाखवा नोटीस जारी करण्यात आली आहे.

बीआरसी शर्मा यांनी सांगितले की, इयत्ता आठवी मधील विद्यार्थ्यांच्या उत्तरपत्रिकांमधील प्रश्नांची उत्तरे पाहिल्यावर त्यांना ती एक एक करून सोडवलेली दिसली. सर्वांची उत्तरे ही एकसारखी आहेत. त्यामुळे या सर्व प्रकारानंतर केंद्रप्रमुख अनिल दुबे आणि शिक्षिका ज्योती पटेल यांच्याकडून उत्तर मागवण्यात आले आहे.