ऑनलाईन शॉपिंग पडली महागात, डिलिव्हरी बॉयनेच लंपास केले 10 लाखांचे गोल्ड कॉईन, नाशिकमधील धक्कादायक प्रकार

मुंबई येथील एका ग्राहकाने 9 लाख 87 हजार 130 रुपये किमतीची सहा सोन्याची नाणी कुरिअरद्वारे मागवली होती. ही नाणी नाशिकमधील एका नामांकित कुरिअर कंपनीच्या कार्यालयात प्राप्त झाली. पेठ रोड परिसरातील पत्त्यावर ही डिलिव्हरी देण्याची जबाबदारी कंपनीचा कर्मचारी संशयित प्रसाद राऊत याच्यावर सोपवण्यात आली होती. मात्र, पार्सलमध्ये मौल्यवान सोन्याची नाणी असल्याचे समजताच राऊतच्या मनात आमिष निर्माण झाले.

ऑनलाइन खरेदीत पार्सल घेण्यापूर्वीच ओटीपी सांगणे धोक्याचे ठरू शकते, असे आवाहन पोलिसांनी केले आहे. तसेच डिलिव्हरी बॉय पत्ता सापडत नसल्याचे सांगून फोनवर ओटीपी मागतो, अशा वेळी तो प्रत्यक्ष घरापाशी पोहोचल्याशिवाय ओटीपी देऊ नका. आपण घरी नसल्यास, घरातील सदस्यांशी संपर्क साधून डिलिव्हरी बॉय तिथे हजर असल्याची खात्री करूनच प्रक्रिया पूर्ण करा. पार्सलची स्थिती संशयास्पद वाटल्यास किंवा डिलिव्हरी बॉयने घाई केल्यास त्वरित कंपनीकडे तक्रार करा, असे आवाहन घटनेनंतर सर्वत्र पोलीस डिपार्टमेंट नागरिकांना करत आहे. तसेच या घटनेबाबत पुढील तपास सायबर पोलीस करत असून, फरार संशयितांचा शोध सुरू आहे.