शतपावली करायला बाहेर पडला अन् परतलाच नाही, नाशिकमध्ये काका-पुतण्याकडून तरुणावर सपासप वार

वादाचे रूपांतर काही वेळातच रक्तरंजित संघर्षात झाले. संशयित आरोपी ओम गवळी याने आपल्याजवळील धारदार चॉपरने रवीच्या पोटावर, पाठीवर आणि डोक्यावर वर्मी घाव घातले. याचवेळी संतोष गवळी याने लाकडी दांडक्याने रवीला बेदम मारहाण केली. या भीषण हल्ल्यात रवी रक्ताच्या थारोळ्यात कोसळला. त्याला तातडीने जिल्हा रुग्णालयात हलवण्यात आले, मात्र उपचारापूर्वीच डॉक्टरांनी त्याला मृत घोषित केले.

पोलिसांनी या घटनेत ई-साक्ष नोंदवली असून प्रत्यक्षदर्शींच्या जबाबावरून खुनाचा गुन्हा दाखल केला आहे. मृत रवीच्या पश्चात आई आणि भाऊ असा परिवार आहे.