...अन् गुंडानी पोलिसांनाच घेरलं, दगडाने केला हल्ला, भिवंडीतील घटनेनं खळबळ!

या माहितीनंतर पोलीस उपनिरीक्षक आकाश पवार, सुनील शिंदे आणि तडवी हे तिघे पोलीस व्हॅन घेऊन आरोपींना पकडण्यासाठी गेले. पण यावेळी काही गुंड प्रवृत्तीच्या लोकांनी पोलीस पथकाला घेरलं आणि अरेरावी करायला सुरुवात केली. त्यांनी शिवीगाळ करत पोलिसांना धक्काबुक्की केली. हे प्रकरण एवढ्यावरच थांबलं नाही, तर त्यांनी पोलिसांसह पोलिसांच्या गाडीवर दगडफेक केली. या दगडफेकीत तडवी हे जखमी झाले. त्यांच्यावर खासगी रुग्णालयात उपचार सुरू आहेत. या हल्ल्यात पोलीसांच्या गाडीचं बरंच नुकसान झालं आहे. आरोपींना पकडण्यासाठी गेलेल्या पोलिसांवरच अशाप्रकारे हल्ला झाल्याने कायदा आणि सुव्यवस्थेवर प्रश्नचिन्ह निर्माण झालं आहे.