Dharashiv Crime News: अनैतिक संबंध ठेवायची आणि...वैतागलेल्या तरुणाने सुपारी देऊन महिलेचा काढला काटा

आरोपी तरूणाने दिलेल्या सुपारीनंतर तीनही आरोपींनी महिलेच्या शरीरावर आणि डोक्यावर वार करत तिचा गळा आवळून तिची हत्या केली.या हत्येनंतर मृतदेहाची विल्हेवाट लावण्यासाठी तिचा मृतदेह सोनारी ते परंडा रोडवरील हरण ओढ्यात फेकून दिला होता.

या घटनेनंतर 17 नोव्हेंबर रोजी महिलेचा मृतदेह नदीपात्रात आढळळा होता. पोलिसांनी हा मृतदेह ताब्यात घेऊन तपासाला सूरूवात केली होती. यावेळी महिलेच्या शरीरावरील जखमा पाहूनच पोलिसांना हत्येचा संशय आला होता. त्यामुळे पोलिसांनी महिलेच्या हत्येच्या दिशेने तपास सूरू केला होता. या तपासादरम्यान पोलिसांच्या हाती संदीप उत्तम तोरणे हा तरूण लागला होता.या तरूणाची कसून चौकशी केली असता त्याने हत्येचा उलगडा केला, अशी माहिती धाराशिव पोलीस अधीक्षक संजय जाधव यांनी दिली आहे

या प्रकरणात मुख्य आरोपीने तीन जणांना 92 हजाराची सुपारी देऊन महिलेची हत्या घडवून आणली होती. या प्रकरणी पोलिसांनी चार आरोपींना अटक केली आहे. तसेच या आरोपींनी न्यायालयासमोर हजर केले असता पोलिस कोठडी सुनावण्यात आली आहे.