लग्नाच्या 4 वर्षांनंतर त्याने तिच्याशी ठेवले नाही संबंध, पतीचं सत्य ऐकून तुम्हालाही बसेल धक्का 

ग्वाल्हेर : सध्याच्या काळात लग्नाच्या बाबतीत मुलीची किंवा मुलाची फसवणूक केल्याच्या अनेक घटना घडत आहेत. मध्य प्रदेशातल्या ग्वाल्हेरमध्ये अशीच एक घटना उघडकीस आली आहे. एका तरुणीने आपल्या कुटुंबीयांनी निवडलेल्या मुलाशी लग्न केलं होतं; मात्र लग्नाला चार वर्षं उलटूनही पतीने तिच्याशी संबंध ठेवले नाहीत. आपल्यावर उपचार सुरू असल्याचं कारण देऊन तो पत्नीला टाळत होता. सहनशीलता संपल्याने पीडितेने विरोध करण्यास सुरुवात केली. तिने बाहेर याची वाच्यता करू नये किंवा काही अडचण निर्माण करू नये म्हणून सासरच्यांनी तिच्यावर लक्ष ठेवण्यास सुरुवात केली. इतकंच नाही तर तिच्या नणंदेलादेखील रात्री तिच्याच खोलीत झोपण्यासाठी पाठवलं गेलं.