पाण्याची टाकी, हंडा सगळं भरून ठेवा, पनवेलला 36 तास थेंबही येणार नाही, कधी आणि कुठं? पाहा सविस्तर

पनवेल: पनवेलकरांसाठी महत्त्वाची बातमी आहे. न्हावा-शेवा उपप्रादेशिक पाणीपुरवठा योजनेअंतर्गत दुरुस्तीकामे आणि नवीन जलवाहिनी कार्यान्वित करण्याचे काम हाती घेण्यात आले आहे. त्यामुळे गुरुवारी, 12 मार्च रोजी सकाळी 9 वाजल्यापासून ते शुक्रवारी 13 मार्च रात्री 9 वाजेपर्यंत तब्बल ३६ तास पाणीपुरवठा बंद ठेवण्यात येणार आहे. या काळात पनवेल शहरासह सिडको वसाहती आणि आसपासच्या गावांतील नागरिकांना पाणीबाणीच्या स्थितीचा सामना करावा लागेल. त्यामुळे नागरिकांनी पाण्याचा साठा करून जपून वापर करावा, असे आवाहन करण्यात आले आहे.