दुहेरी हत्याकांडानं शिर्डी पुन्हा हादरली, भल्या पहाटे बापलेकाला रक्तबंबाळ करत मारलं

भल्या पहाटे हत्येची ही घटना घडल्यानंतर पोलीस अधिकारी घटनास्थळी दाखल झाले आहेत. त्यांनी घटनास्थळाचा पंचनामा करून मृतदेह शवविच्छेदनासाठी पाठवले आहेत. घरातील काही सामान चोरीला गेलं आहे का? या हत्या नेमक्या कोणत्या कारणातून झाल्या? यामागे नक्की काय उद्देश होता? याचा तपास पोलीस करत आहेत. मात्र शिर्डी संस्थानच्या दोन कर्मचाऱ्यांच्या हत्येची घटना ताजी असताना आता बापलेकाची अशाप्रकारे हत्या केल्याने परिसरात भीतीचं वातावरण पसरलं आहे. या घटनेचा पुढील तपास केला जात आहे.