आधी मुलाला दिला जन्म अन् मग फरार झाली आई, तिनं असं का केलं?

कृपाराम नावाचा व्यक्ती हा गरौठा पोलीस ठाणे हद्दीतील गोरपुरा गावातील रहिवासी आहे. दीड वर्षांपूर्वी त्याचे लग्न शांति देवीसोबत झाले होते. शांतीने रात्री 8 नोव्हेंबर रोजी एका बाळाला जन्म दिला. तिची डिलिव्हरी नॉर्मल झाली. यानंतर तिला आणि बाळाला वार्डमध्ये भरती करण्यात आले होते.

गुरुवारी सकाळी तो सकाळी शौचालयासाठी गेला होता. मात्र, जेव्हा तो परत आला तेव्हा त्याची पत्नी बेडवर नव्हती. यानंतर त्याने तिचा सर्वत्र शोध घेतला. मात्र, ती कुठेही मिळून आली नाही. यानंतर त्यांनी नवाबाद पोलीस ठाण्यात धाव घेतली आणि घडलेल्या प्रकाराची माहिती देत याबाबतची तक्रार दाखल केली, अशी माहिती कृपाराम यांनी दिली. तिने असा निर्णय का घेतला अद्याप याची माहिती समोर आलेले नाही.

मागील 2 दिवसांपासून त्याची पत्नी गायब आहे. तर नवजात मुलावर उपचार सुरू आहेत. त्याला आईचे दूध मिळत नसल्याने तो रडत आहे. तर पोलीस याप्रकरणी सीसीटीव्ही फुटेज तपास असून महिलेचा शोध लवकरच घेतला जाईल असे पोलीस ठाण्याचे प्रभारी जितेंद्र सिंह यांनी सांगितले. दरम्यान, या घटनेमुळे रुग्णालयात एकच खळबळ उडाली.