Nagpur Crime : मैत्रीच्या मस्करीचा थरार, जिवलग मित्राच्या खोडीनं गमावला जीव! नागपुरात धक्कादायक घटना

नागपूरातील परडी परीसरात ही दुर्देवी घटना झाली. मोबाईल लपवल्यावरून सुरू असलेल्या टिंगल-टवाळीचे रुपांतर वादात झाले. एका मित्राने दुसऱ्या मित्राच्या डोक्यावर दांड्याने मारून त्याचे डोके फोडले. या घटनेने परिसरात एकच खळबळ उडाली. जितू राजू जयदेव असे मृताचे नाव आहे. पोलिसांनी गुन्हा नोंदवून आरोपीला अटक केली आहे. इतवारीदास शिवदास माणिकपुरी असे अटकेतील आरोपीचे नाव आहे. पोलिसांनी दिलेल्या माहितीनुसार, जितू आणि इतवारीदास हे जुने मित्र असून मजुरीचे काम करतात. नवीननगर परिसरात जितूचे दुसरे मित्रही राहतात. सर्वजण एनआयटी गार्डनजवळ बसून गप्पा-गोष्टी करीत होते. या दरम्यान मित्रांनी गंमत म्हणून जितूचा मोबाईल लपवला.

इतवारीदासने आपला मोबाईल पाहिला असता तो मिळाला नाही. त्यामुळे इतवारीदासचा पारा चांगलाच चढला. त्याने रागच्या भरात येऊन जितूच्या डोक्यावर लाकडी दाडाने वार केले. या भीषण हल्ल्यात जितूचा मृत्यू झाला. या घटनेची माहिती मिळताच परडी पोलीसांनी आरोपी इतवारीदासला अटक केली आहे. या प्रकरणी अधिक तपास सुरू आहे.