रात्री गुपचूप विवाहित प्रेयसीच्या खोलीत घुसला पोलीस; पण दिराने पाहिलं अन् मिळाली आयुष्यभराची शिक्षा

सूत्रांनी दिलेल्या माहितीनुसार, महिलेची काही दिवसांपूर्वी डायल 112 चे कॉन्स्टेबल केसरीनंदन यांच्याशी भेट झाली होती. पुढच्या वेळी काही दिवसांनी ते पुन्हा भेटले तेव्हा त्यांनी एकमेकांचे फोन नंबर घेतले. त्यानंतर बोलणं सुरू झालं. संवादामुळे त्यांची जवळीक वाढली, पण कुणालाच त्याची माहिती नव्हती. अचानक एके दिवशी महिलेचा तिच्या दिराशी वाद झाला. आपल्या दिराला धडा शिकवण्यासाठी तिने तिच्या प्रियकराला म्हणजेच पोलीस कर्मचाऱ्याला बोलावलं आणि दिराला अटक झाली.

दीर पोलीस ठाण्यात गेला तेव्हा त्याच्या मनात एक शंका आली, की आपल्या वहिनीचे पोलिसाशी काहीतरी चुकीचे संबंध असावेत. लॉकअपमधून बाहेर आल्यानंतर तो आपल्या वहिनीवर लक्ष ठेवू लागला. काल रात्री अचानक हाच कॉन्स्टेबल सिव्हिल ड्रेसमध्ये महिलेच्या खोलीत घुसला. हे पाहताच दिराने दार लावून बाहेर आरडाओरडा करायला सुरुवात केली. आजूबाजूच्या ग्रामस्थांनी घटनास्थळी पोहोचून पोलिसाला पकडलं आणि बेदम मारहाण करण्यास सुरुवात केली. आपला जीव वाचवणं अवघड आहे असं कॉन्स्टेबलला वाटल्याने त्याने आपली ओळख जाहीरपणे सांगितली. त्यानंतरही गावकऱ्यांनी त्याला खूप मारहाण केली.

ही बाब निदर्शनास येताच एसएसपी डॉ. गौरव ग्रोवर यांनी केसरीनंदनला तत्काळ निलंबित केलं. तसेच विभागीय चौकशीचे आदेश दिले आहेत. अहवालाच्या आधारे पुढील कारवाई केली जाईल, असं ते म्हणाले.