'रमीझ धर्मांतरासाठी दबाव टाकतोय...', सोनाचा शारिरिक अन् मानसिक छळ, हादरवून टाकणारे शेवटचे शब्द

Crime : धर्मांतरासाठी बॉयफ्रेंडकडून दबाव येत असल्यामुळे 23 वर्षांच्या तरुणीने गळफास घेऊन आयुष्य संपवलं आहे. प्रियकर आणि त्याच्या नातेवाईकांनी आपल्या मुलीवर लग्न करण्याआधी इस्लाम धर्म स्वीकारण्यासाठी दबाव आणला, असा आरोप मुलीच्या नातेवाईकांनी केला आहे. शनिवारी सोना एल्डोस हिचा मृतदेह तिच्या राहत्या घरी लटकलेल्या अवस्थेमध्ये सापडला होता. यानंतर पोलिसांनी सुरूवातीला अनैसर्गिक मृत्यूची नोंद केली होती, पण नंतर पोलिसांना सोनाने लिहिलेली एक नोट सापडली, ज्यात तिने आपला धर्मांतरासाठी शारिरिक आणि मानसिक छळ होत असल्याचं सांगितलं होतं.