अनेक गुन्हे दाखल, तब्बल 7 वर्षांपासून तुरुंगात, माफिया डॉन मुख्तार अन्सारीबाबत तुम्हाला या गोष्टी माहिती नसतील..

असे सांगितले जात आहे की, माफिया डॉन मुख्तार अन्सारी पोटात गॅस आणि युरिन इन्फेक्शनने त्रस्त होता. त्यामुळे दोन दिवसांपूर्वी त्याला कडेकोट बंदोबस्तात वैद्यकीय महाविद्यालयात उपचारासाठी आणण्यात आले होते. दरम्यान, काल रात्री उशिरा कारागृहातील माफिया मुख्तार अन्सारी याला हृदयविकाराचा झटका आला, त्यामुळे पोलिसांनी त्याला तातडीने वैद्यकीय महाविद्यालयात आणले. मात्र, तेथे उपचारादरम्यान त्याचा मृत्यू झाला.

माफिया डॉन मुख्तार अंसारी याच्या मृत्यूनंतर बांदा मेडिकल कॉलेजमध्ये जिल्हाधिकारी आणि पोलीस अधीक्षक दाखल झाले आहेत. तसेच एसएसबी फोर्स आणि पोलीस बंदोबस्त तैनात करून मेडिकल कॉलेजचे छावणीत रूपांतर करण्यात आले आहे. मुख्तारच्या मृत्यूनंतर मुख्तारचे कुटुंबीय गाझीपूरहून बांदा येथे रवाना झाले आहेत. मृत मुख्तार अन्सारीचे शवविच्छेदन त्याचा अन्सारीच्या कुटुंबासमोर 5 डॉक्टरांचे पॅनेल व्हिडिओग्राफीद्वारे करणार आहे, असे सांगण्यात आले आहे.