'उशिरा का आलीस?' म्हणत पती बनला हैवान; लाकडी दांडक्याने पत्नीला इतकी मारहाण केली की, त्यातच...

अनुसया वाघमारे या पती रामा वाघमारे यांच्यासोबत वांगी येथे खोपी (झोपडी) घालून राहत होत्या. कोळसा तयार करून ते आपला उदरनिर्वाह करत होते. 6 ऑगस्ट रोजी पहाटे अनुसया मृतावस्थेत आढळल्या. या घटनेची माहिती मिळताच पोलिसांनी घटनास्थळी धाव घेतली.

हा प्रकार उघडकीस कसा आला, याबद्दलही माहिती समोर आली आहे. मंगळवारी सकाळी १० वाजता अनुसया आणि रामा हे दोघेही वझुर येथे बाजार करण्यासाठी गेले होते. बाजार आटपल्यानंतर 'तू पुढे जा' असे सांगून रामा वझुर येथेच थांबला होता. सायंकाळी 5 वाजता तो खोपीत परत आल्यावर त्याला पत्नी दिसली नाही. त्यानंतर रात्री 7 वाजता अनुसया परत आल्यावर 'उशिरा का आलीस?' असे म्हणून रामा रागाच्या भरात तिच्यासोबत भांडण करू लागला आणि तिला लाकडी दांडक्याने मारहाण करण्यास सुरूवात केली.