100, 200 की 300? रिलीजच्या पहिल्याच दिवशी Pushpa 2 करणार रेकॉर्ड ब्रेकिंग कमाई! समोर आला आकडा

SACNILC च्या अहवालानुसार, 'पुष्पा 2' भारतात रिलीज होणाऱ्या सर्व भाषांमध्ये 233 कोटी रुपये कमावण्याचा अंदाज आहे. एकट्या आंध्र प्रदेश आणि तेलंगणासारख्या राज्यांमध्ये अंदाजे 105 कोटी रुपयांचे योगदान देऊ शकतात. हा चित्रपट कर्नाटकातून 20 कोटी रुपये, तामिळनाडूतून 15 कोटी रुपये आणि केरळमधून 8 कोटी रुपयांची कमाई करण्याची शक्यता आहे.

याव्यतिरिक्त, असा अंदाज आहे की हा चित्रपट उर्वरित भारतातून अंदाजे 85 कोटी रुपयांची कमाई करेल. त्याचवेळी अमेरिकेत या चित्रपटाच्या अ‍ॅडव्हान्स बुकिंगला अकल्पनीय प्रतिसाद मिळाला आहे. त्यामुळे विदेशी बॉक्स ऑफिस कलेक्शन अंदाजे 70 कोटी रुपये असेल. 'पुष्पा 2' ची जगभरातील एकूण कमाई सुमारे 303 कोटी रुपये अपेक्षित आहे.

'पुष्पा 2: द रूल' च्या रिलीजसाठी गुरुवारची निवड करून, निर्माते सिंगल ओपनिंग डे यशस्वी करण्याचा विचार करत आहेत. आंध्र प्रदेश आणि तेलंगणा सरकारने 5 डिसेंबर ते 9 डिसेंबर या कालावधीत 600 रुपयांपासून सुरू होणाऱ्या तिकीट दरात वाढ करण्यास परवानगी दिली आहे. काही अंदाजांनुसार, 'पुष्पा 2' हा जगभरातील बॉक्स ऑफिसवर पहिल्या दिवशी 300 कोटींची कमाई करणारा पहिला भारतीय चित्रपट ठरू शकतो.