धर्मेंद्र यांच्या निधनानंतर अमिताभ बच्चन यांची झाली अशी अवस्था, चाहत्यांची वाढली चिंता
- Published by:Manjiri Pokharkar
Last Updated:
Amitabh Bachchan Latest Post : धर्मेंद्र यांच्या निधनानंतर अमिताभ बच्चन खूपच दुःखी झाले आहेत. त्यांनी आता एक नवं ट्विट केलं आहे. या ट्वीटमुळे चाहत्यांची पुन्हा एकदा चिंता वाढवली आहे.
Amitabh Bachchan : धर्मेंद्र यांच्या निधनाने संपूर्ण बॉलिवूड हादरून गेलं. पण बॉलिवूडचे महानायक अमिताभ बच्चन यांच्यासाठी मात्र हे शॉकिंग होतं. 'शोले'मधील वीरूच्या जाण्याची बातमी मिळताच बिग बी भावुक झाले. त्यांनी फक्त आपल्या एका सहकलाकाराला गमावलं नाही तर आपल्या अतिशय जवळच्या मित्राला कायमचा निरोप दिला. हा क्षण त्यांच्यासाठी खूपच दु:खद होता. धर्मेंद्र यांनी या जगाचा निरोप घेतल्यानंतर अमिताभ बच्चन यांनी केलेल्या नव्या ट्विटमुळे चाहत्यांची चिंता आणखी वाढली आहे. धर्मेंद्र यांच्या निधनानंतर अमिताभ बच्चन आतून पूर्णपणे हलले आहेत. त्यांच्या निधनाचा त्यांना मोठा धक्का बसला आहे.
धर्मेंद्र यांच्या निधनाने बसला मोठा धक्का
धर्मेंद्र यांची प्रकृती खालावत असल्याची माहिती मिळताच अमिताभ बच्चन लगेच त्यांना भेटण्यासाठी पोहोचले होते. त्यांच्या चेहऱ्यावरच त्यांच्या भावना स्पष्ट दिसत होत्या. धर्मेंद्र यांची अवस्था पाहून त्यांच्या मनात जी अस्वस्थता निर्माण झाली होती, ती आजतागायत कमी झालेली नाही. धर्मेंद्र यांच्या निधनाने त्यांना आतून हादरवून टाकले आहे. मागील काही दिवसांपासून ते आपल्या सोशल मीडिया आणि ब्लॉगच्या माध्यमातून सतत आपल्या मनातील भावना व्यक्त करत आहेत, तरीही त्यांचे मन हलके होत नसल्याचं दिसत आहे.
advertisement
अमिताभ यांनी एक दुःखद ट्वीट केलं आहे. त्यांनी लिहिलं आहे,"कुछ क्षण, जीवन के जीना". या एका छोट्या वाक्यात, काही शब्दांत त्यांचं दु:ख स्पष्ट दिसत आहे. आपल्या ब्लॉगमध्ये त्यांनी त्यांच्या मानसिक स्थितीबद्दल अधिक मोकळेपणाने लिहिले. त्यांनी सांगितले की मागील काही दिवसांच्या आठवणी सतत त्यांच्या मनात फिरत आहेत. त्यामुळे कामातही लक्ष देता येत नाही. त्यांनी मान्य केले की "शो चालू राहायलाच हवा," पण आतून तुटलेल्या व्यक्तीसाठी हे ऐकणे सहज नसते.
advertisement
T 5580 - कुछ क्षण, जीवन के जीना
— Amitabh Bachchan (@SrBachchan) November 29, 2025
खऱ्या आयुष्यातही होते जिवलग मित्र
view commentsअमिताभ आणि धर्मेंद्र यांचं नातं फक्त चित्रपटांपुरतं मर्यादित नव्हतं. दोघांनी ‘शोले’, ‘चुपके चुपके’, ‘राम बलराम’, ‘गुलामी’ आणि ‘नसीब’सारख्या अनेक चित्रपटांत एकत्र काम केले. काम करताना ते एकमेकांचे जिवलग मित्र झाले. अमिताभ यांनी अनेकदा सांगितले आहे की ते सल्ल्यासाठी नेहमी धर्मेंद्र यांच्याकडेच जात असत, कारण त्यांना त्यांच्यावर नितांत विश्वास होता. धर्मेंद्र यांच्या जाण्यानंतर अमिताभ सतत हेच आठवत आहेत की त्यांनी आपल्या ‘वीरू’कडून किती वेळा मार्गदर्शन, सल्ला आणि धीर मिळवला.
Location :
Mumbai,Maharashtra
First Published :
November 30, 2025 9:57 AM IST
मराठी बातम्या/मनोरंजन/
धर्मेंद्र यांच्या निधनानंतर अमिताभ बच्चन यांची झाली अशी अवस्था, चाहत्यांची वाढली चिंता
