'चिऊताई चिऊताई दार उघड', अमृता खानविलकरचं पहिलं आयटम सॉंग! गश्मीर महाजनीसोबतचा पाहा VIDEO

अमृता ने तिच्या मित्र मंडळीच्या सिनेमांत एक खास गाणं केलं असून "चिऊताई चिऊताई दार उघड" असं या गाण्याचं नाव आहे. अमृता तिच्या अभिनय प्रवासात पहिल्यांदा आयटम साँग करणार आहे. कायम उत्तम भूमिकांनी प्रेक्षकांच्या मनात अधिराज्य करून राहणारी अभिनेत्री असली तरी तिच्या नृत्याचे सगळेच चाहते आहेत यात शंका नाही.

सुपरहिट लावण्या सादर केल्यानंतर आता अमृता या चित्रपटात पहिल्यांदा आयटम साँग करणार असून तिच्या नृत्याची पुन्हा एकदा जादू प्रेक्षकांना अनुभवायला मिळणार आहे. ‘सुशीला- सुजीत’मध्ये हे आयटम साँग नक्कीच काहीतरी कमाल आहे आणि नेहमीपेक्षा वेगळ्या रूपात अमृता या गाण्यात दिसतेय. तिचा नवा लूक आणि नवं नाव यातून प्रेक्षकांना बघायला मिळणार आहे. आजवर अमृताने अनेक सुपरहिट लावण्या सादर केल्या आणि त्यातून प्रेक्षकांना मोहित केलं आहे. आता अमृता या नव्या आयटम साँग मधून पुन्हा एकदा प्रेक्षकांची मन जिंकणार यात शंका नाही.

अमृता या गाण्यात तिच्या आवडत्या मित्रा सोबत म्हणजे गश्मीर महाजनी सोबत स्क्रीन स्पेस शेअर करणार आहे. ‘सुशीला सुजीत’मध्ये "चिऊताई चिऊताई दार उघड" हे गाणं नक्कीच धम्माल करून जाणार आहे असं दिसतंय.

वैविध्यपूर्ण भूमिका असो किंवा कोणताही नृत्यप्रकार अमृता कायम तिच्या भूमिकांनी प्रेक्षकांना मोहित करत आली आहे आणि आता पुन्हा एकदा या पहिल्या वहिल्या आयटम साँग मधून अमृता प्रेक्षकांना खिळवून ठेवणार यात शंका नाही!