Anant - Radhika Pre-Wedding Festivities:अनंत-राधिकाच्या ‘प्री-वेडिंग फंक्शन’मध्ये एकत्र येणार तीन खान; तर हे सेलिब्रिटीज वाढवणार शोभा

अंबानी कुटुंबातल्या विविध कार्यक्रमांना नेहमीच सर्व क्षेत्रांतल्या सेलेब्रिटींची उपस्थिती असते. सर्वसामान्य नागरिकांसाठी हा अत्यंत कुतूहल आणि आकर्षणाचा विषय असतो. अनंत अंबानी आणि राधिका मर्चंट यांचं ‘प्री वेडिंग’सुद्धा काही अपवाद नसेल. या सोहळ्यासाठी अमिताभ बच्चन, शाहरुख खान, आमीर खान, रजनीकांत असे अनेक बॅालिवूड सुपरस्टार्स सहकुटुंब जामनगरमध्ये दाखल होणार आहेत. सलमान खानसुद्धा या वेळी जामनगरला येणार आहे. अक्षय कुमार आणि त्याची पत्नी ट्विंकल खन्ना ही दोघंही या सोहळ्याला हजेरी लावणार आहेत. या व्यतिरिक्त अजय देवगण, काजोल, सैफ अली खान, रणवीर सिंह, दीपिका पदुकोण, रणबीर कपूर, आलिया भट, विकी कौशल, कतरिना कैफ, करण जोहर, वरुण धवन, सिद्धार्थ मल्होत्रा, श्रद्धा कपूर, करिश्मा कपूर असे सेलेब्रिटी अनंत आणि राधिकाच्या ‘प्री वेडिंग’ला हजेरी लावतील. चंकी पांडे, बोनी कपूर आणि अनिल कपूरही सहकुटुंब जामनगरला येतील अशी माहिती आहे. माधुरी दीक्षित आणि तिचे पती डॉ. श्रीराम नेने, आदित्य चोप्रा आणि पत्नी बॉलिवूड स्टार राणी मुखर्जी हेदेखील जामनगरमध्ये येणार असल्याचं कळतंय.