'आयुष्यात खूप अडचणी येताएत...', 'त्या' खास व्यक्तीच्या आठवणीत इमोशनल झाला अर्जुन कपूर, सांगितली मनातील खंत

मुंबई : बॉलीवूडचा प्रसिद्ध अभिनेता अर्जुन कपूर गेल्या काही काळापासून त्याच्या सिनेमांपेक्षा सोशल मीडियावरील ट्रोलिंगमुळे जास्त चर्चेत असतो. कधी त्याच्या चित्रपटांवरून, तर कधी त्याच्या वैयक्तिक आयुष्यावरून नेटिझन्स त्याला सतत लक्ष्य करत असतात. अनेकदा अर्जुन या गोष्टींकडे दुर्लक्ष करतो, पण आज मात्र त्याने आपल्या मनातील सर्व खदखद एका भावूक पोस्टद्वारे बोलून दाखवली आहे. आज, ३ फेब्रुवारी रोजी अर्जुनची आई मोना शौरी कपूर यांचा वाढदिवस आहे. आईच्या आठवणीत बुडालेल्या अर्जुनने स्वतःच्या संघर्षावर भाष्य करत ट्रोलर्सना एक प्रकारे शांत उत्तर दिलं आहे.