प्रसिद्ध मराठी अभिनेता विकतोय चहा, मुंबईत सुरू केला स्टॉल, का आली अशी वेळ? Video

मुंबई: काही कलाकार हे आपल्या कलेसोबतच व्यावसायिक क्षेत्रात देखील स्वत:ला आजमावत असतात. मुंबईतील अशाच एका मराठी कलाकाराचा अभिनय ते व्यावसायिक असा प्रवास अनेकांसाठी प्रेरणादायी आहे. मयूर धुरी असं या अभिनेत्याचं नाव असून 1980 च्या दशकात वडिलांनी सुरू केलेल्या चहाचा स्टॉल आता प्रसिद्ध ब्रँड बनला आहे. याबाबतच मयूर यांनी लोकल18 सोबत बोलताना माहिती दिलीये.

दादरमधील कबूतर खाण्याजवळ शिवसेना गल्लीच्या कॉर्नरला ‘वाह मराठी दादर स्पेशल चहा’ स्टॉल आहे. मयूर यांचे वडील प्रकाश धुरी हे आधी चहा विकायचे. वडिलाना व्यवसाय करताना पाहून मयूर यांना लहानपणापासून व्यवसायात आवड निर्माण झाली. ते लहानपणापासूनच छोटे छोटे व्यवसाय करायचे. जसं की दिवाळीत फराळ विकण्याचा स्टॉल किंवा मकर संक्रांतीमध्ये पतंग असे हंगामी व्यवसाय ते करायचे. पण यानंतर वडिलांच्या जाण्यानंतर त्यांनी चहाचा व्यवसाय पुढे न्यायचा ठरवला.

दरम्यान, अभिनय क्षेत्राची आवड आहेच. पण मराठी माणसाने व्यवसायात उतरून एक उत्तम व्यावसायिक व्हावं, असं त्यांना नेहमी वाटतं. त्यासाठीच मयूर यांनी वडिलांचा व्यवसाय पुढे न्यायचा निर्णय घेतला आणि आता ते यशस्वी व्यावसायिक आहेत.