Gautami Patil: गौतमी पाटीलचा ग्लॅमरस अवतार, स्विमिंग पूलमध्ये ‘टीप टीप बरसा पाणी’ वर केला डान्स; VIDEO

गौतमीचा हा ग्लॅमरस अंदाज पाहून चाहते अक्षरशः घायाळ झाले आहेत. तिच्या एका-एका अदा पाहून कमेंट बॉक्समध्ये कौतुकाचा वर्षाव होताना दिसतो आहे. काही चाहते तर “गौतमी म्हणजे मराठीची बिपाशा बसू” असं म्हणत तिच्या सौंदर्याचं वर्णन करत आहेत.

विशेष म्हणजे, फक्त मंचावरच्या डान्समुळेच नव्हे तर गौतमी आता एक सोशल मीडिया सेन्सेशन झाली आहे. तिच्या प्रत्येक पोस्टवर लाखोंची व्ह्यूज मिळतात, चाहत्यांकडून प्रतिक्रिया आणि लाईक्सचा वर्षाव होतो. कमाईबाबतही गौतमी टॉपवर आहे. मीडिया रिपोर्ट्सनुसार, एका डान्स शोसाठी ती तब्बल 3 ते 5 लाख रुपये घेते. तिच्या टीमची महिन्याची कमाई सुमारे 45 ते 50 लाखांच्या घरात असल्याचं सांगितलं जातं. यामुळे गौतमीला आजच्या घडीला मराठीची ‘डान्सिंग क्वीन’ म्हटलं जातं.

डान्सशिवाय गौतमी पाटीलनं ‘देवमाणूस’ या मालिकेतही विशेष भूमिका साकारली आहे. हळूहळू ती फक्त नृत्यांगणा न राहता अभिनयाच्या क्षेत्रातही आपली ओळख निर्माण करत आहे. आजच्या घडीला गौतमी पाटीलला कोणत्याच ओळखीची गरज नाही. तिच्या कार्यक्रमात होणारी हाऊसफुल्ल गर्दी आणि सोशल मीडियावर मिळणारा प्रचंड प्रतिसाद हेच तिच्या लोकप्रियतेचं मोठं प्रमाण आहे.