Akshaya Deodhar Mangalagauri : राणा दा हाती घेतलं लाटणं अन् सुपली; बायकोच्या मंगळागौरीत भाव खाऊन गेला हार्दीक जोशी

मुंबई, 31 ऑगस्ट : अभिनेत्री अक्षया देवधर आणि अभिनेता हार्दीक जोशी ही मराठी इंडस्ट्रीतील लोकप्रिय जोडी नेहमीत चाहत्यांची आवडती जोडी आहे. तुझ्यात जीव रंगला या मालिकेपासूनच या जोडीवर प्रेक्षकांनी मनापासून प्रेम केलं. राणा आणि पाठक बाईंच्या ऑनस्क्रिन जोडीनं ऑफस्क्रिन देखील आयुष्यभरासाठी एकत्र येण्याचा निर्णय घेतला. डिसेंबर 2022 मध्ये दोघांनी शाही विवाह केला. दोघांनी लग्नानंतरचे सगळे सण मोठ्या उत्साहात साजरे केले. श्रावण महिन्यात आलेली मंगळागौर देखील दोघांनी मोठ्या थाटात साजरी केली आहे. अक्षया आणि हार्दीक यांनी नुकतीच त्यांची पहिली मंगळागौर साजरी केली. मंगळागौर जरी अक्षयाची असली तरी त्यात हार्दीक मात्र चांगलाच भाव खाऊन गेला. मंगळागौरीचे व्हिडीओ आणि फोटो सोशल मीडियावर व्हायरल होत आहेत.