कंगनानं दिला आश्चर्याचा धक्का! वडिलांनी दिली माहिती, 'या' पक्षाकडून अभिनेत्री लढवणार लोकसभा निवडणूक

मुंबई, 19 डिसेंबर : बॉलिवूड अभिनेत्री कंगना रणौत 2024च्या लोकसभा निवडणूक लढवणार अशा चर्चा होत्या. मात्र कंगनानं यावर कधीच स्पष्टपणे सांगितलं नाही. पण आता लोकसभा निवडणूकीला काही महिने शिल्लक असताना अखेर कंगना निवडणूक लढवणार असल्याची माहिती कन्फर्म झाली आहे. स्वत: कंगनाच्या वडिलांनी ही माहिती दिली आहे. कंगना 2024च्या लोकसभा निवडणूक लढवणार आहे. कंगना निवडणूक लढणार असल्याच्या चर्चांवर तिचे वडील अमरदीप रणौत यांनी मोहोर उमटवली आहे. आता भाजप ठरवेल की माझी मुलगी कंगना कुठून निवडणूक लढवणार आहे, असं त्यांनी म्हटलंय.