Katrina Kaif Vicky Kaushal : कतरिना कैफ-विकी कौशलच्या घरी छोट्या पाहुण्याचं आगमन; दिला गोंडस बाळाला जन्म

Katrina Kaif Vicky Kaushal : बॉलिवूड अभिनेत्री कतरिना कैफ आणि विकी कौशल यांच्या घरी छोट्या पाहुण्याचं आगमन झालं आहे. कतरिनाने एका गोंडस बाळाला जन्म दिला आहे. विकी कौशलने सोशल मीडियावर खास पोस्ट शेअर करत चाहत्यांना आनंदाची बातमी दिली आहे. कतरिना आणि विकीवर सेलिब्रिटींसह चाहत्यांकडून अभिनंदनाचा वर्षाव होत आहे. छोट्या छावाच्या दमदार एन्ट्रीने चाहत्यांचा आनंद गगनात मावेनासा झाला आहे. वयाच्या 42 व्या वर्षी कतरिना आई झाली आहे. कतरिना कैफच्या प्रेग्नंसीच्या चर्चा गेल्या काही दिवसांपासून सुरू होत्या. कतरिना कधी गुड-न्यूज देणार याकडे चाहत्यांच्या नजरा लागल्या होत्या. अखेर 7 नोव्हेंबर 2025 रोजी तिने चाहत्यांना गुडन्यूज दिली आहे. कतरिना आणि विकी कौशल यांनी 23 सप्टेंबरला एक खास पोस्ट शेअर करत प्रेग्नंसीची बातमी चाहत्यांसोबत शेअर केली होती.