Swanandi Berde: लक्ष्मीकांत बेर्डेची लेक स्वानंदीने केली मोठी घोषणा, VIDEO शेअर करत चाहत्यांना दिली गुडन्यूज!

स्वानंदीने नुकताच तिचा ज्वेलरी ब्रँड कांतप्रिया लाँच केला आहे. हे नाव केवळ एक ब्रँड नाही, तर तिच्या जीवनाचा भावनिक तुकडा आहे. वडिलांचं नाव लक्ष्मीकांत आणि आईचं नाव प्रिया यांच्या संगमातून हे नाव निर्माण झालं. या ब्रँडमधून ती आपल्या आई-वडिलांच्या प्रेमाला आणि आठवणींना सलाम करतेय.

बेर्डे कुटुंबाचं नातं सिनेमाशी घट्ट जोडलेलं आहे. भाऊ अभिनय बेर्डे सिनेमात आपली छाप पाडतोय, पण स्वानंदीने मात्र “अभिनयानंचक उद्योजकता” हा मार्ग निवडला. तिच्या मते, काही स्वप्नं ही फक्त करिअरची नसतात, ती भावनांमधून जन्म घेतात.

दरम्यान, सोशल मीडियावरून प्रचंड शुभेच्छांचा वर्षाव होतोय. मराठी सिनेमातील अनेक कलाकारांनीही तिच्या धाडसी पावलाचं कौतुक केलं आहे. “स्वानंदीने वेगळी ओळख निर्माण करून दिली आहे, जी प्रेरणादायी आहे”, असं अनेकांनी म्हटलं आहे.

स्वानंदी सोशल मीडियावर खूप सक्रिय आहे. इंस्टाग्रामवर तिचे मोठे फॉलोअर्स आहेत. ती तिचे ग्लॅमरस फोटो आणि व्हिडिओ शेअर करत असते.