तासंतास शूटिंग, मानधनाची अनिश्चितता यांचं टेन्शन मिटणार! सिने कलाकारांसाठी राज्य सरकारचं मोठं पाऊल

मुंबई : इंडस्ट्रीमध्ये काम करणाऱ्या कलाकारांच्या आणि तंत्रज्ञांच्या आयुष्यात आता चांगले दिवस येणार आहेत. वरून लख्ख दिसणाऱ्या ग्लॅमरच्या जगामागे तासनतास चालणारं शूटिंग, मानधनाची अनिश्चितता आणि आरोग्याची हेळसांड हे वास्तव कोणापासून लपलेलं नाही. पण आता या सर्व समस्यांना पूर्णविराम देण्यासाठी राज्य सरकारने कंबर कसली आहे. महाराष्ट्राचे कामगार मंत्री आकाश फुंडकर यांनी चित्रपट आणि मालिका क्षेत्रातील कलाकारांसाठी एक स्वतंत्र नियमावली तयार करण्याची मोठी घोषणा केली आहे.