Nikhil Bane : "अखेर माझ्या आयुष्यात 'ती' आली; 'महाराष्ट्राची हास्यजत्रा' फेम निखिल बनेची पोस्ट चर्चेत

निखिल बनेचं बालपण भांडूपच्या चाळीत गेलं आहे. कोकणातल्या निखिल बनेचं महाविद्यालयीन शिक्षण ठाण्यातील जोशी-बेडेकर कॉलेजमध्ये झालं. महाविद्यालयात असतानाच त्याला अभिनयाचं वेड लागलं. कॉलेजमध्ये असताना विविध एकांकिका स्पर्धांमध्ये त्याने भाग घेतला. फक्त भागच घेतला नाही तर अनेक पारितोषिकदेखील पटकावले. कॉलेजनंतर निखिलला खऱ्या अर्थाने 'महाराष्ट्राची हास्यजत्रा' या कार्यक्रमात ब्रेक मिळाला. त्यानंतर त्याने कधीही मागे वळून पाहिलं नाही. आज 'महाराष्ट्राची हास्यजत्रा' करण्यासह निखिल अनेक मालिका, चित्रपट आणि वेबसीरिजमध्येही काम करताना दिसून येत आहे. स्वत:चं घर घेण्याचं निखिलचं आता स्वप्न आहे. निखिलच्या आगामी प्रोजेक्टची प्रेक्षकांना आता उत्सुकता आहे.