'ही बाहुली माझ्यासाठी खूप प्रिय...' पुरस्कार स्वीकारताना महेश मांजरेकरांचे डोळे पाणावले, पत्नी मेधालाही अश्रू अनावर!

मुंबई : मराठी चित्रपटसृष्टीतील सर्वात प्रतिष्ठित असा महाराष्ट्र राज्य मराठी चित्रपट पुरस्कारांचा हीरक महोत्सवी सोहळा नुकताच पार पडला. या दिमाखदार सोहळ्यात ६० आणि ६१ वे पुरस्कार प्रदान करण्यात आले. यावेळी ज्येष्ठ अभिनेते आणि दिग्दर्शक महेश मांजरेकर यांना 'चित्रपती व्ही. शांताराम जीवनगौरव' पुरस्काराने सन्मानित करण्यात आले. हा पुरस्कार स्वीकारताना महेश मांजरेकर खूप भावूक झाले, आणि त्यांच्या पत्नी मेधा मांजरेकर यांनाही आपले अश्रू आवरता आले नाहीत.