Suraj Chavan: 'माझे आजोबा पैलवान होते...' गोलीगत सूरज चव्हाणने आजोबांविषयी सांगितली खास आठवण!
- Published by:Sayali Zarad
Last Updated:
'UNSEEN UNDEKHA' मध्ये स्पर्धक त्यांच्या आठवणी आणि गावाकडच्या गप्पा-गोष्टी करताना दिसत आहेत. आजच्या 'UNSEEN UNDEKHA' मध्ये तुम्ही पाहू शकता, सूरज आणि वर्षा ताई गार्डन एरियात बसले आहेत. सूरज त्याच्या पैलवान आजोबांची गोष्ट ताईंना सांगत होता.
मुंबई : 'बिग बॉस मराठी 5' च्या घरात फॅमिली वीक सुरू आहे. घरातील स्पर्धकांना भेटण्यासाठी त्यांचं कुटुंब, जवळचे लोक येत आहे. त्यामुळे घरात सध्या खूप भावनिक वातावरण झालंय. घरच्यांना पाहून स्पर्धकांना अश्रू अनावर झाले आहेत. अशातच 'UNSEEN UNDEKHA' मध्ये स्पर्धक त्यांच्या आठवणी आणि गावाकडच्या गप्पा-गोष्टी करताना दिसत आहेत. आजच्या 'UNSEEN UNDEKHA' मध्ये तुम्ही पाहू शकता, सूरज आणि वर्षा ताई गार्डन एरियात बसले आहेत. सूरज त्याच्या पैलवान आजोबांची गोष्ट ताईंना सांगत होता.
सूरज म्हणाला, "माझे आजोबा खूप मोठे पैलवान होते. गावामध्ये कोणी त्यांचा नाद नाही करायचे. बाकीचे पैलवान आजोबांचा पाय हलवण्याचा प्रयत्न करायचे पण त्यांचा पाय अजिबात हलायचा नाही. बाकी सगळे दमायचे मग आजोबा त्यांना धरून खाली जमिनीवर पाडायचे. आजोबा एकटे पाच गावांवर भारी पडायचे. गावकऱ्यांनी पैलवान चांगला आहे म्हणून माझ्या आजोबांसाठी एक म्हैस बक्षीस म्हणून दिली होती."
advertisement
सूरज पॅडी दादालाही त्यांच्या गावाकडच्या गोष्टी विचारताना दिसत आहे. सुरज भाऊंना म्हणाला, "तुम्ही कोकणात राहता ना? मग तुम्ही गावी जाता का? तुमची शेती आहे तर तुम्ही कोणते पीक लावले आहे?" त्यावर पॅडी भाऊ म्हणाले, "आमची 1 एकर शेती आहे. पण आमचं गावी जास्त जाणं होत नाही. मुंबईत सगळे काम असल्यामुळे गावी जाणे जमत नाही आणि मुंबईत आम्ही वाढलो असून शहराची सवय झाली आहे. आम्हाला गावाची ओढ आहे पण जाणे होत नाही."
advertisement
यावर सूरज म्हणाला, "तुम्ही कधी ना कधी गावी जात असाल. गाव सोडून कोणाला राहायला जमते? मला अजिबात गाव सोडून कुठेही राहायला जमत नाही."
Location :
Mumbai,Maharashtra
First Published :
September 27, 2024 4:09 PM IST
मराठी बातम्या/मनोरंजन/
Suraj Chavan: 'माझे आजोबा पैलवान होते...' गोलीगत सूरज चव्हाणने आजोबांविषयी सांगितली खास आठवण!
