Shruti Marathe: पुणे विसर्जन मिरवणुकीत हिरमोड, श्रृती मराठेने शेअर केला खेदजनक अनुभव

गणेशोत्सवाच्या विसर्जन मिरवणुकीत तासन्‌तास वाट पाहूनही वादन करण्याची संधी न मिळाल्यामुळे कलावंत ढोल ताशा पथकाला मोठा धक्का बसला. मराठी चित्रपटसृष्टीतील कलाकारांचा समावेश असलेलं हे पथक नेहमीच प्रेक्षकांचं खास आकर्षण ठरतं. मात्र यंदा संपूर्ण तयारी करूनही त्यांना आपली कला सादर करता आली नाही.

शेवटी रात्री 9 वाजता पथकाने एक गजर करून, ध्वजवंदन करत वादन थांबवण्याचा निर्णय घेतला. चाहत्यांची गर्दी त्यांना पाहण्यासाठी जमली होती, पण त्यांचा हिरमोड झाला. पथकाच्या अधिकृत अकाऊंटवरून पोस्ट करत त्यांनी चाहत्यांची माफी मागितली. "पुढच्या उत्सवात नक्की भेटूया," असा दिलासा दिला. श्रुती मराठेने तिच्या स्टोरीवर ही पोस्ट शेअर करत खंत व्यक्त केली.

या पथकात श्रुती मराठे, सिद्धार्थ जाधव, अनुजा साठे, तेजस्विनी पंडित, सौरभ गोखले असे अनेक कलाकार आहेत. त्यामुळे दरवर्षी प्रेक्षकांची उत्सुकता शिगेला पोहोचलेली असते. मात्र यावेळी सर्वांचाच हिरमोड झाला.